big brother is listening to you

Also ÖV-Benutzer wird man täglich unfreiwillig Zeuge diverser Konversationen. Meistens hör' ich nicht zu, weil ich zu beschäftigt damit bin, "crazy penguin" oder "Sexy Babes wild water ride" auf dem Handy zu spielen.
Wenn's aber um Poker geht, werd ich aber natürlich hellhörig. Heute morgen im Zug, zwei Typen im Abteil nebenan. Der eine versuchte, betont lässig mit 3 billigen dice-chips den thumbflip währdend dem Gespräch zu performen. Ich nenne ihn deshalb mal "Chip". Seinen Gesprächspartner nenne ich "Kapuze" weil er, na ja, eine Kapuze trug.

Chip: "Geschter no online gspilt mit em Kolleg."
Kapuze " Scho?"
Chip: "Ja scho. Futzdumm. 200$ izahlt, NL1/2 gspilt, ufe uf 600$, NL2/4 gspilt, ufe uf 1100$, und denn alles verlore. Futzdumm."
Kapuze: "'ey nei 'ey, sones Päch!"
Ich: Oh ja, what a downswing.
Chip: "Bisch au scho is Casino go zocke?"
Kapuze: "Ja scho. Bade. 5/10"
Chip: "5 Dollar / 10 Dollar?"
Kapuze: "Franke."
Chip: "Boah, isch mega tüür."
Kapuze: "Es gaht, isch äbe nöd normals Poker, chasch nöd all-in gah, nur 10 Franke raise."
Ich: Das nennt man "fixed limit", du Fisch.
Chip: "Isch ja voll gschisse. Und, sinds guet?"
Kapuze: "Nei, voll nöd, die called alles"
Chip: "Scho?"
Kapuze: "Ja scho. Aber chasch mega isi Gäld mache, muesch eifach nur mit, wenn es guets Blatt hesch."
Chip: "Was heisst 'es guets Blatt'? Gasch mit miteme chliine Päärli?"
Kapuze: "Nei. Gahsch eifach mal de Flop go luege mit Dame/Bueb und so. De Scheiss isch eifach, will die alles called, isch es fascht nur no Glück, dann chasch fascht nöd guet spile."
Chip: "Logisch."
Kapuze: "Äbe."

Das zweite Gespräch fand schon vor längerem mal hinter mir statt, ich konnte die Leute also nicht sehen. Aber ich konnte den Fisch förmlich riechen...

Dude 1: "'ey geschter hemmer wider eis zockt."
Dude 2: "geil."
Dude 1: "Denn eis Blatt isch voll krass gsi: Ich han mini Charte no nöd aagluegt gha, denn erhöht de Benno."
Dude 2: "Okay."
Dude 1: "Und de Stocker macht All-in!!"
Dude 2: "jajaa, krass!"
Dude 1: "Und denn, zieh der das ine, die nächschte zwei mached au all-in!"
Dude 2: "Shiat!"
Dude 1: "Denn ich so, mini Charte immer no nöd aagluegt, luege, und was hani?"
Dude 2: "Was?"
Dude 1: "Es Dame-Päärli! Denn bini natürli mit, will es Damepäärli isch mega guet."
Dude 2: "Ja klar."
Dude 1: "Aber weisch was hed de Benno gha?"
Dude 2: "Nei."
Dude 1: "Es König-Päärli!"
Dude 2: "boah. Aber hesch ja no chönne en Drilling mache."
Dude 1: "Ja sicher 'ey, ich han gwüsst, wenn i en Drilling mache, denn hends kei chance meh. Und was chund uf em River? En Dame!"
Dude 2: "Und denn hesch gwunne?"
Dude 1: "Ja sicher 'ey."

Quality Stuff.